B豬世界: 日本之旅

男朋友同我响2月28號凌晨去到香港機場...開始我哋一連7日嘅日本之旅....心情非常興奮嘅我....一啲眼瞓嘅感覺都冇...只係想可以快啲上機...快啲可以去到日本!!(好好彩去程同回程我哋隔離都冇人坐...可以有多啲地方!!)

過e-道嘅時候真係有小小擔心自己啲指甲太長scan啲到...嘻嘻....(因為上次去澳門嗰時scan咗好鬼多次....)

去到候機室得上機.....當然唔會小得佢哋啦!!

大約6:30am我哋就去到羽田機場.....好順利咁過關之後,第一件事就係去McDonald買happy set....因為次前响雜誌見到今期係送Hello Kitty呀!!

之後就等車車去我哋住嘅池袋sunshine city hotel啦.....虎虎都等得好心急呀!!

去到酒店...因為未有得check-in....所以我哋就放低啲行李去附近行吓....最主要係去toysRus睇吓有冇我想要嘅幼稚園特別版...同埋去bic camera睇吓有冇我間house kitchen!!之後我哋就出發去我哋第一個目的地....銀座玩具博品館去買我嘅芝麻波啦!!

去到之後...發現波波嘅款式俾我上次去嘅時候小咗.....扮嘢系列嘅波波好似我屋企仲整過佢....而我哋原來想買嗰隻芝麻波都唔响度啦....所以我哋就買咗細一個size嗰隻...就係下面最大brown色嗰隻....佢個樣又係傻吓傻吓咁真係好得意....而且我哋第一日就買佢所以我每晚返酒店都有佢陪我瞓覺!!好開心呀!!

因為去嗰日係weekend...所以銀座條大街都放咗好我seat俾人坐...虎虎佢又話要坐吓影相相喎.....

跟住我哋就去咗新宿歌舞伎町食男朋友最鐘意嘅魚生飯....

响香港從來都唔食海膽嘅我...都要試吓呢間鋪係唔係真係好似啲人講嘅咁好味...食落又真係好正喎!!!

返去車站時候無意中發現有間hello kitty shop....正!!買嘢!!

之後就去搵小田急sightseeing service center買定車票去Grinpa....不過男朋友print落嚟嘅地圖簡直係老點!!!行嚟行去都搵唔到...而且個地圖有中文,英文同韓文就只係冇日文..攪到我問人嗰時又唔知個地方名....佢哋又唔識睇英文喎.....問咗好多人同行咗好多路之後終於搵到!!原來如果我哋响第二個出口出..根本唔駛2分鐘就到!!如果大家真係想搵嘅就問我啦...我男朋友一定幫到你!!

返到酒店check-in之後我哋就去行吓附近機鋪.....再去食嘢.....