加人工

今日老闆無啦啦同我哋講一月開始加我哋人工........但係我哋冇人開心喎......因為以後日日我哋都要返多half an hour工!!!有時錢唔係大晒!!!!根本就冇問過我哋想唔想............完全當我哋賣咗身俾佢咁......又想咁咁咁又想咁咁咁.......大佬,我唔係老闆,我無股份!!!!唔好expect我哋要24小時做公司嘢先叫好員工!!!!你估大家都冇屋企咩!!!!!!

可以嘅話不如我俾啲錢佢等我日日返小幾個鍾呀!!!!

真係好想唔做轉工!!!!

開心平安夜

今年過咗一個奇妙嘅平安夜!!!!!點解??因為男朋友同咗我去迪迪尼酒店食buffet!!!!佢之前一直都唔肯講會同我去邊.......鬼死咁口密.....但係講真,我真係無諗過會去迪迪尼喎...

雖然我鐘意嘅係Hello Kitty唔係迪迪尼公仔.......但係去到我又超開心喎!!!!有Mickey, Mimmie, Donald 同Diasy出現同你影相......佢哋啲動作好得意......Mickey想錫我點知佢個鼻長.....所以撞親私個鼻!!!!我想同Diasy影相又俾Donald捉住咗.....俾佢哋笑死......男朋友個閃光燈好閃.....佢哋又扮隻眼唔舒服喎.........

最開心嘅係人唔係太多......可以舒舒服服咁食嘢.........又唔駛同人迫.......食完慢慢行吓真係好舒服好開心!!

又病咗

今日冇返工.....因為又病咗啦!!!!!其實都唔知係咩病....不過個人好暈好想嘔.....醫生話我感冒同休息唔夠.....俾咗啲止暈藥我....不過食完會好眼瞓...

其實我由星期一開始已經係咁啦!!!一直頂到今日先請假....因為公司有人病得仲犀利過我.......不過今日自己知道如果返工一定會出事......因為今日嗰個係今期嘅出事位....無謂病到傻傻哋都返......真係博出事咩!!!!

台灣遊(婚紗照)

到咗第二日,就係我哋影婚紗相嘅大日子.心情有啲興奮但係又有啲緊張仲有啲擔心....因為當日天氣唔係咁好有小小雨同冇太陽......

八點未夠我哋就要去到婚紗店化妝.....同我化妝的張老師真係好好人....而且我覺得佢好靚....所以都掛住望佢...嘻嘻......

化完妝同換完衫之後.....因為天氣仲係唔係咁好,攝影師風Sir同助手就同我哋响公司個攝影掤度影住先.....佢哋真係好細心....因為我矮過男朋友好多....佢哋去到邊都同我攞住個级级,等我唔駛著住隻高跟鞋咁辛苦....

等到天氣好啲,我哋就出發去第一個景點..............兒童樂園!!!裡面啲人超好人呀....俾我哋入去個木馬度影相....我第一次响個冇開嘅旋轉木馬度行來行去.....哈哈...
之後又要番去換妝同set頭.......再去富田農場.....要一個鐘多啲先去到!!所以......上車就訓咗啦..........到咗之後..........嘩......................好多人都响度影緊婚紗相呀.....有好多新娘都好靚!!!我哋影咗好多好耐超辛苦.......

(特別要提....個cafe度有好多大大隻嘅灰過大灰熊)
再返去又要個幾鐘......真係已經累到死......................所以.................又訓!!!!!!!!!!!!!
返去之後...佢哋買咗好好味飯飯俾我哋食......好嘢....有嘢食!!!!唔相影啦......好想死呀!!!

不過都係要影啦..........仲有三件衫要換.......影完都八點幾.......嘩...........做咗十幾個鐘model呀.....

本來之前仲話等Vicky十點放工去玩.....但.......實等啦......累到想死.......所以都係即刻返去訓.......

Vicky嗰日仲專誠上黎睇我.....又送咗個好靚嘅心形銀相架同鏡盒俾我.......
仲有一樣嘢超好笑.......助手全日都係咁叫男朋友做老公(但係佢係男仔)......攪到我哋個個都話其實男朋友係佢老公.....佢仲叫我哋影完影一齊去唱K........不過佢真係好好....見我影相唔笑就係咁講嘢引我笑......

返酒店之前見到有超級大雞扒同花枝丸即刻買黎食.......忍咗咁耐唔食炸嘢仲唔食返夠本!!!!!!!!!!!!

台灣遊(第一日)

啱啱同男朋友去完台灣玩.....真係超開心....但係超累.....放完假真係好唔想返工呀!!!你話如果一年有兩至三個月假期就好啦........................................(發夢!!!!!!!)

一直都未去過台灣,而有啲朋友又同我講話台灣冇嘢好玩,又好似大陸咁.....所以我都冇好大期望.......但係去到我又覺得感覺好好....啲人好nice....我好鍾意喎!!!!

今次去其實主要目的係影婚紗相......所以去到第一日就要去選衣服......婚紗店服務超好...我哋到咗酒店之後打電話去就有人開車接我哋去.....而招待員小姐Vicky一早就買咗珍珠milk tea俾我哋飮.....仲一早同我選定一啲佢覺得我會鍾意嘅裙.....之後等我自己又選啲.....可能因為佢先係professional,所以到最後我都係選晒佢同我選嗰啲,自己選嗰啲睇落去好睇,但上咗身就唔好睇.其實之前都有啲驚,因為網上啲人講啲小姐有時唔會好熱心同你選衫....好彩我嗰個好好人!!!!選好晒之後佢仲介紹我哋去一間好好食又平過鼎泰豐嘅店食嘢.....雖然問鋪唔靚(因為係街邊鋪)..但啲嘢超好食......而且我覺得咁先似去咗台灣(好多本地人去食)...要食貴貴靚鋪,香港大把啦!!!!

食完之後我哋仲去咗西門町個車站攞youth pass,因為本旅遊書話攞住佢有啲嘢會有折喎......

之後我哋就返咗酒店休息啦.....因為第二日就要影相要休息夠先會靚靚!!!!但係因為酒店電視做繄套戲好好睇.....所以我都睇咗好耐先訓.....而且其實個人都好繄張.........

洗牙

今日又放假......下午同男朋友一齊去洗牙......
我真係好驚好驚洗牙,之前响加拿大洗牙嗰時試過咬到牙醫隻手指....嘻嘻...問你死未!!!
但係我今日真係好犀利呀....上一次洗完牙兩日都食唔到嘢.....今日就唔係喎,係男朋友話痛....我反而一啲嘢都冇喎.....咩都食到....哈哈哈!!!!
不過我覺得都係要個牙醫手勢好先得.....佢好溫柔呀!!

又有新朋友

今日16號........哈哈.......即係又係我既生日啦!!!!
又有一個新朋友啦!!!! 佢係傻傻又鐘意發梅嘅餃餃波.....超得意.....
錫晒男朋仔!!!

生日

唔知睇咩戲裹面嘅一個人講,人生根本就唔知自己可以有幾多個生日過......好有感觸呀!!!
所以,我就決定每個月嘅16號都會慶祝自己嘅生日...咁我一年咪會多11個生日囉!!!!

即係話.....今日又係我嘅生日啦!!!!嘩哈哈哈哈哈哈!!!!!
男朋友今日同我行街街.....扭咗好多蛋蛋.....仲買咗我好鍾意嗰個魔鬼Hello Kitty袋仔.....好開心呀!!!本來仲想買埋個玩具整蛋糕機,但係個嬸嬸話買斷晒喎.....根住我又見到個整燒八爪魚丸機....都好得意....男朋友話買俾我...但係我話唔要囉......之後佢話買雪糕同思樂冰俾我我都話唔要喎......不過返到屋企之後......嘻嘻嘻......我鬼剎咁嘈咁話俾大蕃薯知男朋友講大話唔買玩具俾我.....仲打133電話俾男朋友話佢講大話......哈哈...............佢俾我吹脹.....激死!!!!!!!

今日真係好好玩呀!!!!!!!!