Testing

Testing

日本之旅 - Day 1

男朋友同我响2月28號凌晨去到香港機場...開始我哋一連7日嘅日本之旅....心情非常興奮嘅我....一啲眼瞓嘅感覺都冇...只係想可以快啲上機...快啲可以去到日本!!(好好彩去程同回程我哋隔離都冇人坐...可以有多啲地方!!)

過e-道嘅時候真係有小小擔心自己啲指甲太長scan啲到...嘻嘻....(因為上次去澳門嗰時scan咗好鬼多次....)

去到候機室得上機.....當然唔會小得佢哋啦!!

日本之旅 - 序

今次其實係第一次全程都自由行咁去日本....雖然唔可以好似跟團咁一上車就瞓....同埋行嘅路會多好多....不過....可以去多一啲自己真係想去嘅地方同想留幾耐就幾耐....感覺又真係好好喎!!

可能今次去嘅時間唔係high season,7日裹面我哋見到嘅香港人真係好小....而且去樂園玩嘅時候都唔係要排好耐隊....真係好舒服!!

最估唔到嘅係....7日嘅天氣變化好大....細細雨,好好天,好大太陽,落雪雨,有啲熱到好大雨都有....好彩都真係有帶夠衫去....(其實最後都要去藥房買暖包)

加人工

今日老闆無啦啦同我哋講一月開始加我哋人工........但係我哋冇人開心喎......因為以後日日我哋都要返多half an hour工!!!有時錢唔係大晒!!!!根本就冇問過我哋想唔想............完全當我哋賣咗身俾佢咁......又想咁咁咁又想咁咁咁.......大佬,我唔係老闆,我無股份!!!!唔好expect我哋要24小時做公司嘢先叫好員工!!!!你估大家都冇屋企咩!!!!!!

可以嘅話不如我俾啲錢佢等我日日返小幾個鍾呀!!!!

真係好想唔做轉工!!!!

開心平安夜

今年過咗一個奇妙嘅平安夜!!!!!點解??因為男朋友同咗我去迪迪尼酒店食buffet!!!!佢之前一直都唔肯講會同我去邊.......鬼死咁口密.....但係講真,我真係無諗過會去迪迪尼喎...

雖然我鐘意嘅係Hello Kitty唔係迪迪尼公仔.......但係去到我又超開心喎!!!!有Mickey, Mimmie, Donald 同Diasy出現同你影相......佢哋啲動作好得意......Mickey想錫我點知佢個鼻長.....所以撞親私個鼻!!!!我想同Diasy影相又俾Donald捉住咗.....俾佢哋笑死......男朋友個閃光燈好閃.....佢哋又扮隻眼唔舒服喎.........

最開心嘅係人唔係太多......可以舒舒服服咁食嘢.........又唔駛同人迫.......食完慢慢行吓真係好舒服好開心!!

又病咗

今日冇返工.....因為又病咗啦!!!!!其實都唔知係咩病....不過個人好暈好想嘔.....醫生話我感冒同休息唔夠.....俾咗啲止暈藥我....不過食完會好眼瞓...

其實我由星期一開始已經係咁啦!!!一直頂到今日先請假....因為公司有人病得仲犀利過我.......不過今日自己知道如果返工一定會出事......因為今日嗰個係今期嘅出事位....無謂病到傻傻哋都返......真係博出事咩!!!!

台灣遊(婚紗照)

到咗第二日,就係我哋影婚紗相嘅大日子.心情有啲興奮但係又有啲緊張仲有啲擔心....因為當日天氣唔係咁好有小小雨同冇太陽......

八點未夠我哋就要去到婚紗店化妝.....同我化妝的張老師真係好好人....而且我覺得佢好靚....所以都掛住望佢...嘻嘻......

化完妝同換完衫之後.....因為天氣仲係唔係咁好,攝影師風Sir同助手就同我哋响公司個攝影掤度影住先.....佢哋真係好細心....因為我矮過男朋友好多....佢哋去到邊都同我攞住個级级,等我唔駛著住隻高跟鞋咁辛苦....

等到天氣好啲,我哋就出發去第一個景點..............兒童樂園!!!裡面啲人超好人呀....俾我哋入去個木馬度影相....我第一次响個冇開嘅旋轉木馬度行來行去.....哈哈...
之後又要番去換妝同set頭.......再去富田農場.....要一個鐘多啲先去到!!所以......上車就訓咗啦..........到咗之後..........嘩......................好多人都响度影緊婚紗相呀.....有好多新娘都好靚!!!我哋影咗好多好耐超辛苦.......

(特別要提....個cafe度有好多大大隻嘅灰過大灰熊)
再返去又要個幾鐘......真係已經累到死......................所以.................又訓!!!!!!!!!!!!!
返去之後...佢哋買咗好好味飯飯俾我哋食......好嘢....有嘢食!!!!唔相影啦......好想死呀!!!

不過都係要影啦..........仲有三件衫要換.......影完都八點幾.......嘩...........做咗十幾個鐘model呀.....

本來之前仲話等Vicky十點放工去玩.....但.......實等啦......累到想死.......所以都係即刻返去訓.......

Vicky嗰日仲專誠上黎睇我.....又送咗個好靚嘅心形銀相架同鏡盒俾我.......
仲有一樣嘢超好笑.......助手全日都係咁叫男朋友做老公(但係佢係男仔)......攪到我哋個個都話其實男朋友係佢老公.....佢仲叫我哋影完影一齊去唱K........不過佢真係好好....見我影相唔笑就係咁講嘢引我笑......

返酒店之前見到有超級大雞扒同花枝丸即刻買黎食.......忍咗咁耐唔食炸嘢仲唔食返夠本!!!!!!!!!!!!